بعد ما دخلنا البيت وقفل الباب بصلي وقال بِملامح جامدة مفيش فيها آي شعور إنساني: _إسمعي يا إسمك إي، أنا أصلًا مكنتش عايز أتجوز من الريف وإنتي مش من مستوايا أصلًا، أنا دكتور وإنتي حتة بت جا *هلة.. شاور على باب أوـ,,ـضة وكمل كلامهُ القا *سي: =دي أوضـ,,ــتك وطول ما أنا في البيت متطلعيش منها مش عايز أشوف وشك قدامي عشان مش طايـ *قك، سامعة? مسكت دموعي اللي بتحارب عشان تنزل ورديت عليه بـِ حاضر على هيئة هز راسي ودخلت الأوضة من قدامهُ بسرعة، قعدت على السرير وأنا كاتمة صوتي وصوت شهقاتي من العياط، حتى أنا مكنتش عايزة أتجوز واحد زيهُ من المدينة شايف نفسهُ ويعرف بنات ياما، بس عندنا البنت مينفعش تقول لأ لـِ أهلها، رغم إعتراضي الشديد لـِ ماما وبُكايا إلا إن هي كمان مفيش بإيديها حاجة تعملهالي، قومت من مكاني بعد ما هديت وغيرت الفستان وأنا ببصلهُ بحَسرة وو *جع قلب، نمت بعدها نوم عميق جدًا ودا بعملهُ في العادة لما بزعل جدًا، تاني يوم صحيت وفضلت قاعدة في الأوـ,,ـضة وخايفة أخرج، فضلت سامعة صوتهُ رايح جاي في الشـ,,ـقة لحد ما صوتهُ إختفى خالص فـَ قولت يمكن نزل أو دخل أوضتهُ، فتحت الباب بهدوء وخرجت راسي برا وملقيتش حد، خرجت بهدوء وروحت للمطبخ عشان أحضرلي فطار لإني جوعت، فتحت التلاجة أشوف إي اللي فيها وخرجت جبنة ولانشون وبسطرمة وبيض وبدأت أحضر الفطار، إندمجت وأنا بحضر الفطار وبلف ورايا لاقيتهُ واقف عند باب المطبخ وماسك مج في إيديه وحاطت إيدهُ التانية في جيبهُ وباصصلي بملامح جامدة، إتخضيت ورجعت لِورا وقولت وأنا باخد نفسي وحاطة إيدي على قلبي: _كُح أو إعمل آي حاجة، خضتني. إتكلم بِملامح باردة وبلا مبالاة وقال: =مش قولت متطلعيش برا طول ما أنا موجود في الشـ,,ـقة! بصيت في الأرض وقولت بصوت واطي شوية: _كنت جعانة ومستنياك تنزل ولما مسمعتش صوت في الشـ,,ـقة خرجت وحضرتلي فطار وكنت هرجع الأوـ,,ـضة تاني على طول. شرب من المج اللي في إيديه وخرج وهو بيقول: =هسامحك المرة دي عشان ريحة الفطار كويسة، إعملي حسابي لإني مش بعرف أحضر فطار. بصيت لـِ ضهرهُ وهو ماشي بإستياء ومن فوق لـِ تحت، بني آدم مُستفز، زودت الفطار وعملت حسابهُ، بعد ما خلصت طلعت حطيت الأكل على السُفرة وقولت بصوت عالي شوية عشان يسمعني: _الفطار جاهز. جالي صوتهُ البارد المُستفز وهو بيقول: =هاتي الفطار بتاعي هنا. إتكلمت بصوت واطي وأنا باخد الفطار وريحالهُ بتاعهُ وقولت: _الخدامة اللي جابهالك السيد والدك أنا. وصلت عندهُ كان قاعد في الصالون وقدامهُ اللابتوب بتاعهُ على التربيزة ومركز فيه، أول ما وصلت إتكلم من غير ما يبُصلي وقال: =حطيه عندك هنا وروحي أوضتك. بصيتلهُ بقر *ف وحطيت الأكل على التربيزة ومشيت وأنا بقول بصوت واطي وبقلدهُ: --- _حطيه عندك هنا وروحي أوضـ,,ـتك، عايش الدور ولا كإنهُ ملك إنجلترا. إتكلم بصوت عالي خضني وقال: =بطلي برطمة، سامع صوتك بتقولي حاجة لو عايزة تقولي حاجة تعالي قوليهالي بصوت عالي. بصيتلهُ وأنا مُبتسمة ببلاهة وقولت: _مبرطمتش أنا بكُح بس. مشيت من قدامهُ بعصبية وخدت فطاري ودخلت الأوضة، بعد شوية جات عيلتي وعيلتهُ، إستقبلهم وقعدهم في الصالون ودخلي الأوـ,,ـضة وقال بتحذير: _دلوقتي هتطلعي وهنتعامل قدامهم إننا زوجين عادي جدًا، لو حاجة من اللي قولتها إتذكرت قدامهم فـَ قولي على نفسك سلام بقى. خوفت من نظراتهُ وقولت وأنا بحاول أبان قوية شوية: =على فكرة أنا كدا أو كدا أكيد مش هطلع أسرار بيتي برا. بصلي شوية بهدوء واللي حسسني إني قولت حاجة غلط وكنت واقفة بتوتر وقال بعد ما حط إيدهُ على شعري كإني طفلة: _شطورة. سابني وخرج وأنا لسة واقفة مكان مبرقة بصد *مة من اللي عملهُ، بعد شوية خرجت بإبتسامة وسلمت عليهم وإتعاملت عادي، بعد ما مشيوا إتكلم وقال: =عشان عجبتيني بس من شوية فـَ أنا رايح بكرا أقابل عميلة مُهمة جدًا هبقى آخدك معايا كـَ مساعدة ليا ودا شرف ليكي على فكرة. سابني ومشي من قدامي وأنا رفعت حاجبي بسخرية من ثقتهُ المستفزة اللي مش في محلها، هو مفكر نفسهُ توم كروز بجد [[system-code:ad:autoads]] تاني يوم صحيت وفتحت عيني وشوفتهُ واقف قدامي وباصصلي فـَ إتخضيت ووقعت من على السرير وأنا بصرخ، قومت بعدها وأنا باخد نفسي وهو كان لسة واقف زي ما هو وحاطط إيدهُ في جيوبهُ وقال ببرود: _قومي يلا إجهزي عشان هننزل كمان ساعة. إتكلمت بعصبية وقولت: =إنت إزاي تدخل الأوضة وأنا نايمة أصلًا وبعدين إي اللي كان موقفك فوق راسي كدا، هتقـ *طعلي الخلف. إتكلم بهدوء بعد ما قرب مني شوية وقال: _كنت بتأمل. بصيتلهُ بإستغراب وإحراج وأنا بحاول أبعد عنهُ، لحد ما فصلني وقال: =بصراحة أول مرة يعدي عليا كائن بينام بالطريقة دي، يعني رجليكي إزاي فوق وإنتي نايمة وإي اللي جابك لآخر السرير أصلًا وإيديكي مش فاهم موقفهم بصراحة، حقيقي أول مرة أشوف كائن كدا فـَ حبيت اتأمل. سابني ومشي من قدامي ببرود وإستفزاز كـَ عادتهُ وسابني واقفة بغضب وبصالهُ بسخرية، لبست فستان بسيط وطرحة وطلعتلهُ، أول ما شافني إداني الشنطة بتاعتهُ اللي فيها اللاب توب وكتابين وقال: _تعالي ورايا يلا. بصيتلهُ بإستغراب وقولت: =إنت هتسيبني أشيل دول? بصلي بجنب عينيه وقال --- _مش المساعدة بتاعتي، هشيلهم أنا ولا إي! بصيتلهُ بعصبية ونزلت معاه، وصلنا كافيه وكان في واحدة أجنبية جميلة جدًا قاعدة مستنياه، قتدوا يتكلموا بالإنجليزي شوية عن الطب وعرفت إنهُ بيعالج والدها من مرض في الفقرات وهي مُقيمة هنا في مصر الفترة دي، بصتلي وسألتهُ عليا فـَ بصلي بعدم إهتمام وقال: _Never mind، she’s my personal assistant. لا تهتمي، إنها مساعدتي الشخصية. بصيتلهُ بعصبية وقولت: =And his wife too، my dear. وزوجتهُ أيضًا، ياعزيزتي. بصلي لـِ دقيقة بصد@مة من إني بفهم إنجليزي. رواية غرور وتمرد الفصل الثاني 2 بصلي بصد *مة من إني بفهم إنجليزي وقال: _إنتي بتفهمي إنجليزي?! رديت عليه بثقة وفخر وقولت: =أومال إنت فاكر إي يعني. فضل باصصلي شوية بذهول وبعدين كمل كلام مع البنت اللي قاعدة وبعد ما خلصنا خرجنا من الكافيه وركبنا العربية، بصلي بسرعة وقال بغضب: _ولما إنتي بتعرفي تتكلمي إنجليزي مقولتليش ليه من الأول? بصتلهُ بغضب مُماثل من غضبهُ اللي مالهوش لازمة وقولت: [[system-code:ad:autoads]] =وإنت كنت سألتني ولا حتى قعدت إتكلمت معايا! بص قدامهُ وخد نفس عميق بيحاول يهدي نفسهُ بيه تحت نظراتي اللي مش فاهمة هو بيعمل إي وبعدين بصلي بإبتسامة راسمها غصب عنهُ وقال من بين سنانهُ: _طيب، هنروح دلوقتي نقعد في مطعم ناكل ونتعرف. قبل ما أرد عليه شغل العربية وإتحرك، وأنا سكتت ومكنتش عايزة أتكلم تاني، اساسًا دا شخص محدش يتكلم معاه، وصلنا مطعم من شكلهُ باين إنهُ غالي أوي، بس أنا إبتسمت بـِ شر عشان هو اللي هيدفع، دخلنا المطعم وقعدنا وهو لسة مُبتسم الإبتسامة اللي مش لايقة عليه دي، بصتلهُ بإستغراب ومن فوق لـِ تحت بحاول أطلع آي حاجة أفهم منها الإبتسامة دي ليه بس مش فاهمة، إتكلم وقال: _قوليلي بقى يا أستاذة غرام، عرفتي إنجليزي منين ومعاكي مؤهل إي أصلًا. بصتلهُ بِسُخرية وقولت: =شوف يا أستاذ فادي، أنا دارسة الإنجليزي في البيت أونلاين من على النت، وبالنسبة لـِ معايا مؤهل إي فـَ أنا خريجة سياسة وإقتصاد. كان بيشرب وشِرِق وفضل يكُح، إديتلهُ كوباية الماية وخدها من إيدي بسرعة وشرب وقال بدهشة وهو بياخد نفسهُ: _مين دي اللي خريجة سياسة وإقتصاد!! بصتلهُ بسخرية وقولت: =حضرتي. شرب من الماية تاني وقال بعد ما عدل نضارتهُ: --- _دا إزاي، اللي أعرفهُ عن بنات الريف إنهم مش بيتعلموا. قربت منهُ شوية وقولت: =إنت عايش في سنة كام، لأ طبعًا بنتعلم بس الفرق إننا مش بنخرج ومعظمنا مش بيشتغل بعد ما بيتخرج، لكن اللي عايز يتعلم ويتحضر بيعمل كدا، إنت بجد بقيت بتضحكني دلوقتي. بصلي بغضب طفيف وقال: _بضحكك إزاي يعني! بصتلتُ بِتوتر شوية وقولت: =عشان بِكلامك دا بتوضح إن إنت اللي جاهل. بصلي بنظرات كنت حاسة إنها هتو *لع فيا، غيرت الموضوع بسرعة وقولت: _إنت جايبنا المطعم دا منظر، ما تطلب الأكل أنا جعانة جدًا. رجع بِضهرهُ لِورا وهو لسة باصصلي بغضب وأنا مُبتسمالهُ ببلاهة، طلب الجرسون وطلبنا الأكل بعدها، بعد ما خلصنا أكل وطلعنا من المطعم إتكلم وقال بتردد: =إنتي ليه مقولتليش إنك مُتعلمة لما قولتلك إنك جاهلة. بصتلهُ شوية بِصمت وبعدين قولت بِحُزن بحاول أخفيه: _لإني في الوقت دا كنت خايفة منك وكنت متدايقة برضوا وكنت عايزة امشي من قدامك بآي طريقة عشان.. قطعت كلامي أول ما فكرت إني كنت هقولهُ عشان أعيط وبصيتلهُ بإبتسامة حزينة وكملت: _عشان أنام لإني كنت تعبانة اليوم دا ومش حِمل نقاش. سيبتهُ واقف في مكانهُ وركبت العربية، نزلت مِني دِنعة مسحتها بسرعة أول ما ركب العربية وبعدها رجعنا البيت، أول ما دخلت البيت على طول دخلت الأوضـ,,ـة، معداش خمس دقايق ولقيتهُ فتح باب الأوـ,,ـضة ودخل، بصيتلهُ بعصبية وقولت [[system-code:ad:autoads]] _مش قولت تخبط قبل ما تدخل، محدش علمك الإحترام قبل كدا? بصلي وهو واقف وحاطط إيدهُ في جيوبهُ وقال وهو بيجِز على سنانهُ: =ما تحاولي تمسكي لسانك كدا وتتكلمي معايا عِدل عشان مفتحلـ *كيش دماغك يا حرمي المصون. بصتلهُ بتوتر وقولت وأنا بحاول أبين إن كلامهُ مأثرش فيا: _إي اللي دخلك مرة واحدة كدا? إتكلم بعد ما سند جسمهُ على الباب وقال: =أبدًا، في حد كن قرايبك إتصل بيا دلوقتي وطلب مني العنوان بالتفصيل عشان هييجي يباركلنا فـَ قولت أبلغك يعني. إتكلمت بإستغراب وقولت: _حد من قرايبي مين يعني? قال بلا مبالاة: =مش عارف، كانت ست كبيرة وفي صوت واحد جنبها. بصتلهُ بإستياء وقولت: _الناس بتسأل عن الشخص اللي هيجيلها في بيتها، إفرض حرامية ولا قُطاع طُرق بيسألوا على العنوان هتديلهم العنوان بالسهولة دي! إتكلم وقال وهو خارج: =ليه شايفة معاكي سوسن! إتكلمت بسرعة وقولت --- _إستنى عندك. بصلي بجنب عينيه وأنا قولت بتوتر: _بعد إذن حضرتك لو مش هزعجكك يعني بعد كدا إبقى خبط على الباب. إتكلم بلا مبالاة بِشكل مُستفز وقال: =إنتي مراتي مش لازم استأذن يعني، بس هحاول. مشي من قدامي وسابني همو *ت من الغيظ واللامُبالاة اللي عندهُ، بعد شوية الضيوف اللي قال عليهم جُم وكانت عمتي وإبن عمتي، أول ما شوفت عمتي حضنتها بِفرحة لأني بحبها جدًا وقعدنا نتكلم وكانت القاعدة حلوة جدًا لحد ما قومت عملت شاي لـِ عمتي وأنا ماشية كنت هقع والشاي إتدلق حبة منهُ على إيدي، قام عُمر إبن عمي بسرعة وخضة وقال بلهفة: _سلامتك، حصلك حاجة، ادخلي بسرعة المطبخ اغسلي إيدك. قام فادي من مكانهُ وهو بِيجز على سنانهُ وقال: =شكرًا على الخضة بتاعتك بس مش مستاهلة أنا هغسلها إيديها. وبعدها سحبني من إيدي للمطبخ بغضب. رواية غرور وتمرد الفصل الثالث 3 بعدها سحبني من إيدي للمطبخ بغضب وقال: _إبن عمك دا مُستفز، هو هيمشي امتى? بصتلهُ بصد *مة وقولت: =وطي صوتك، وبعدين مستفز إي مشوفتش نفسك ولا اي! بصلي بغضب وقال من بين سنانهُ [[system-code:ad:autoads]] _إنتي بتدافعي عنهُ ليه مش فاهم! بصتلهُ شوية وإبتسمت إبتسامة مُستفزة وقولت بهدوء: =مش بدافع عنهُ ولا حاجة بس هو إبن عمي وكان هيبقى خطيبي في يوم من الأيام يعني فـَ ليه إحترامهُ برضوا. برق وبصلي بغضب وقال بعصبية: _نعم يا حلوة!! كان هيبقى إي، يعني إي خطيبك مش فاهم! غسلت إيدي وقولت وأنا خارجة: =يعني بيحبني وكان عايزني بس موافقوش. سيبتهُ وخرجت بسرعة وأنا ببتسم إبتسامة شريرة، خرجت قعدت معاهم برا وإتكلم عُمر وقال بلهفة: _إنتي كويسة? جِه فادي وقعد بعصبية وقال وهو بيجِز على سنانهُ وباصص لـِ عُمر كإنهُ هيقوم ياكلهُ: =أه كويسة، متقلقش نفسك إنت بس. إتكلم عُمر بعد ما بص لـِ فادي بغضب مُماثل: _إبقى خلي بالك منها حبة كمان عن كدا، شايفك مش ملهوف عليها لما إتلسعت. قرب فادي منهُ وقال وهما لسة باصين لـِ بعض نظرات هتو *لع في المكان بينا كلنا: --- =وإنت مين عشان تعلمني أتعامل مع مراتي إزاي? كان بيقول كلمة “مراتي” وهو بيتتك عليها جامد، رد عليه عُمر وقال: _أنا أبقى إبن عمها ومسئول عنها. صوت فادي عِلي وقال بغضب: =مسئول عنها بتاع إي معلش، هي متجوزة دلوقتي وليها راجل، أنا ممكن أمنعها إنها تتواصل معاك أصلًا. قبل ما عُمر يرد إتكلمت بسرعة وقولت عشان ألحق الموقف: _فادي، بعد إذنك ممكن تجيب الكيكة اللي جوا لـِ عمتي. بصلي بغضب وهو بيجِز على سنانهُ وأنا إبتسمتلهُ بتوتر، قعد مكانهُ وسكت، إتكلمت عمتي وقالت: _إحنا نقوم بقى قبل ما يمسكوا في خناق بعض. إتكلمت بسرعة وقولت: =ليه بس يا عمتي، خليكي قاعدة معايا شوية. إبتسمتلي وقالت: _معلش بقى مرة تانية، إنتوا عرسان جُداد ولازم منطولش. بعد سلامات مشيوا، قفلت الباب وأنا خايفة ألف ورايا، إبتسمت بِبرائة ولفيت ولاقيتهُ واقف عادي وهادي وساند جسمهُ على الحيطة وكـَ عادتهُ حاطط إيديه في جيوب البنطلون، رغم إن كان شكلهُ عادي بس إتخضيت إنهُ واقف ورايا، وقولت وأنا بتنفس بعُمق ولسة مُبتسمة إبتسامة البرائة: _تحب أعملك حاجة قبل ما أدخل أنام? الهدوء اللي كان واقف فيه إتحول فجأة كإنهُ زومبي وفضل يجري ورايا في الشقة بعصبية وهو بيقول [[system-code:ad:autoads]] =بقى أنا يتحر *ق د *مي النهاردة عشان عيلة زيك، أنا عمري ما إتحر *ق د *مي بالشكل دا، أنا مش هسيبك النهاردة يا بنت عم عُمر هاا. إتكلمت بتوتر وأنا بجري منهُ وقولت بخوف: _يا كابتن في إي، أنا عملت إي أنا طيب، إستهدى بالله بس كدا وقولت هديت، إنت مبتتعبش. جريت على الأوضـ,,ـة بسرعة وقفلتها في اللحظة الأخيرة، قعدت ورا الباب باخد نفسي وقولت: _ربنا يقـ *طع نفسك زي ما قطـ *عت نفسي يا بعيد. فضل يخبط على الباب جامد وهو بيقول بعصبية: =بقولك إي يابت إنتي، إفتحي الباب دا عشان مش هسيبك سامعة. إتكلمت بهدوء وقولت: _طيب أنا عملت إي لـِ دا كلهُ بس، وبعدين لو هو لسة بيحبني أنا مالي مش فاهمة، ولا إستنى إستنى، إنت متدايق ليه إنهُ بيحبني يعني مش فاهمة! سكت ومسمعتش صوتهُ لـِ دقيقتين، حطيت ودني على الباب عشان أسمع لو لسة واقف وفجأة خبط على الباب جامد، رجعت لـِ ورا ومسكت وداني وقولت بألم وأنا مغمضة عيني: _ياللي تنشك في معاميعك، إللهي تتطرش يا بعيد. إتكلم وقال بغضب: =أنا هروح أنام، بس حسابك معايا الصبح هاا، كدا كدا أوضتين وصالة مش هتروحي مني بعيد. إتكلمت بصوت واطي --- _نوم الظالم عبادة. إتكلم وقال بصوت عالي من بعيد: =بطلي برطمة وإتخمدي بقى. نمت وأنا بضحك عليه وتاني يوم صحيت وكنت خايفة أخرج برا، لحد ما الساعة عدت 3 العصر وقولت أكيد نزل بِما إني كمان مش سامعة صوتهُ في الشقة بقالي ييجي ساعة، خرجت بهدوء من الأوضة وأنا ببُص يمين وشمال، ملقيتش حد والصالة كانت هادية جدًا، خدت نفسي وخرجت روحت المطبخ عشان أحضرلي فطار، كنت واقفة بحضر الفطار وبغني في روقان سمعت صوتهُ من ورايا بيقول: _عايشالي دور أم كلثوم، بس أنا هخليكي تعيشي دور إسماعيل ياسين دلوقتي. رواية غرور وتمرد الفصل الرابع 4 _عايشالي دور أم كلثوم، بس أنا هخليكي تعيشي دور إسماعيل ياسين دلوقتي. أتنفص بِخضة وبصيت ورايا بِرُعب، إتكلمت بتوتر وقولت: =إنت طلعتلي منين، بقولك إي، متقربش عشان بُص.. قرب مني بهدوء وهو حاطط إيديه في جيوبهُ وقال: _عشان بُص إي? إتكلمت بخوف وقولت: =عشان هعيط، وبعدين يعني إنت مش من صفاتك النبيلة إنك تمِد إيدك على واحدة ست صح? كنت بصالهُ بِترقُب عشان أشوف رد فعلهُ، بص في الأرض لـِ ثانيتين وبعدين بصلي وهو مُبتسم إبتسامة جانبية وقال [[system-code:ad:autoads]] _أكيد مش همِدّ إيدي عليكي، بس هعاقبك بطريقتي. كنت بصالهُ بخوف من اللي ناوي يعملهُ فيا. بعد ساعتين كنت بغسل الحيطان وهو قاعد على الكنبة بيشرب قهوة وبيتفرج عليا، بصيتلهُ بـِ نظرات بتخرج شرار وغضب، إتكلم بهدوء وقال: _بُصي قدامك ونضفي كويس، عايز الشقة تُبرق كدا. إتكلمت بإبتسامة وأنا بجِز على سناني وقولت: =طيب على فكرة إحنا عرسان جُداد والشقة بتُبرق فعليًا، أنا مش فاهمة أنضف إي بجد، إنت خلتني أغسل السجاد وأنفض الأنتريه وألمع الإزاز، أنا حرفيًا مسيبتش حتة في الشقة إلا وعملتها ولا كإننا في العيد!! شرب من القهوة اللي في إيدهُ وقال ببرود: _شطورة، خلصي بقى الحيطان عشان تفرشي الشقة ووقتها ترتاحي بقى. بصتلهُ بِـ غل وهاين عليا دلوقتي أقتـ *لهُ بجد، بعد ساعة كنت خلصت كل حاجة، قعدت في الأرض وأنا مش قادرة وكل أنش في جسمي بيتأ *لم، وكان شكلي زي أم أحمد اللي بتقعد قدام بيتها في أول الشارع بالظبط بربطة راسي والجلبية اللي لابساها دي، قام من مكانهُ وقرب مني وقال بإبتسامة: _خلاص العقاب خلص، بعد كدا بقى خلي بالك من لسانك، وأبقى أشوفك بتتكلمي مع اللي إسمهُ عمر دا تاني. بصتلهُ بجنب عيني وأنا بجِز على سناني ومتكلمتش، دخل الأوضة بتاعتهُ وأنا لسة قاعدة مكاني، بعد شوية خرج من الأوضة وهو لابس، بصيتلهُ بطرف عيني ومتكلمتش، بصلي بإستغراب وقال --- _مش معنى إنك تعبتي إنك تقعدي كدا طول اليوم، إدخلي خدي حمام دافي كدا وإعدلي شكلك دا. بصيتلهُ بقر *ف ومردتش عليه وفضلت قاعدة مكاني مش قادرة اتحرك، تليفونهُ رن ولما رد إكتشفت إنها بنت: _أيوا يا أسماء. =… _تمام أنا جاي أهو. =… _لأ مش عايز أكل، أنا شبعان، كُلي إنتي. بصتلهُ بِشك وأنا مديقة عيني، بعد ما قفل قومت بنفس النظرة وقولت: _قول. بصلي بإستغراب وقال: =أقول إي، إنتي مجنونة? قربت منهُ وقولت: _قول مين دي، أنا مستنية أسمع. بصلي من فوق لـِ تحت وقال: =وإنتي مالك إنتي? خبطت على كتفهُ وقولت بِحدة: _أبقى مراتك يا سُكر، ولا إنت عملت فيا كل دا ليه من شوية مش عشان عمر? بصلي بغضب وقال: [[system-code:ad:autoads]] =تاني بتقولي إسمهُ?! _متغيرش الموضوع بقولك، مين دي اللي مستنياك على الأكل ورايحلها? إتكلم بِـ ملل وقال: =هقولك عشان أخلص منك بس، دي أسماء السكرتيرة بتاعتي. بصتلهُ وأنا لسة مديقة عيني وقولت: _قولتلي بقى السكرتيرة بتاعتك أه، ومستنياك على الأكل ليه? بص للسقف بِـ قلة صبر وقال: =عشان من الذوق بتسألني لو هتطلبلي أكل معاها بما إني جاي، وبعدين دي متجوزة وعندها عيلين أصلًا. قعدت تاني مكاني بِـ راحة وقولت: _طيب إذا كان كدا ماشي، يلا إتكل على الله. بصلي بدهشة وقال: =إتكل على الله!! إنتي من ساعة ما لبستي الجلبية دي وأنا مش لاقيكي. كان هيمشي بس إبتسم ورجع تاني وقعد على ركبهُ قدامي وهو بيبُصلي بنظرة خباثة، ودا اللي خلاني مستغرباه وبصالهُ بإستغراب وعدم إرتياح لإبتسامتهُ دي وقال: _آلا قوليلي صحيح، إنتي بتغيري ولا إي? بصيتلهُ وأنا مبرقة وقولت بسخرية --- =هه، أنا أغير، وعلى مين عليك!! مبتبوصش لـِ نفسك في المراية ولا إي، وبعدين مشوفتش نفسك لما بتيجي سيرة عُمر بتبقى عامل إزاي! بصلي بغضب وهو بيجِز على سنانهُ، فـَ إتكلمت بسرعة وتوتر: =زي دلوقتي كدا. قام وقف وقال وهو ماشي: _ماشي، بكرا يبان مين بيغير، ومين فارق للتاني. بصيت لضهرهُ بـِ قر *ف وقولت بصوت واطي: =دا بجد مشافش نفسهُ لما بتيجي سيرة عُمر، هو إحنا لسة هنشوف. فتح الباب وبصلي قبل ما يخرج وقال: _بطلي برطمة شوية وإنتي هتبقي كويسة. مردتش عليه فـَ سابني ونزل، قومت من مكاني عشان آخد حمام دافي، وأنا بفكر هو فعلًا حسيت بالغيرة على الكائن دا!! طيب نسيبنا من المعاملة، اومال لو كان حلو شويتين يعني، معجبة بيه على إي، دا إنتي دماغك دي متركبة غلط. إي دا أنا قولت معجبة بيه!! _______________________________________ كان قاعد على المكتب بتاعهُ وبيفكر فيها وبيبتسم، كلم نفسهُ وقال: _إنت مبتسم ليه، وبعدين بتفكر فيها ليه أصلًا، يعني يوم ما تُقع عيلة زي دي اللي توقعك، وبعدين متفكرش إنها تحبك بعد اللي عملتهُ فيها الصبح دا. هو أنا قولت إنها تحبني [[system-code:ad:autoads]] هو أنا عايزها تحبني أصلًا! فكر شوية وبعدين قال: _طب ما تحبني بسيطة يعني أنا أصلًا أتحب عادي. خرج من المكتب بتاعهُ وإتكلم مع أسماء السكرتيرة وقال بتساؤل: _أسماء عايز أسألك سؤال، إي أكتر حاجة ممكن تخلي الست تفرح وتُقع في حب واحد? بصتلهُ بإستغراب وبعدين فكرت شوية وقالت: =يعني، خاتم، سلسلة، ورد، شيكولاتة كدا يعني. دخل المكتب بتاعهُ تاني وقعد يفكر. _____________________________________ بالليل كنت قاعدة بتفرج على التليفزيون على فيلم رُعب ومضلمة الشقة وباكل لِب وسناكس، سمعت صوت باب الشقة بيتفتح بس مهتمتش ومرضيتش أقوم، لاقيتهُ واقف قدامي بيبصلي وساكت، مكنتش شايفة ملامحهُ من الضلمة بس شايفة حد واقف قدامي، خوفت وقومت أجري في الشقة وأنا بصرخ وبقول: _عفريت، يالهوي يانا ياما، كان لازم أعمل فيها جريئة وأطفي النور واتفرج على رعب لوحدي يعني، أهو طلعولي، ياماما. النور إشتغل وكان هو واقف باصصلي بغضب وحاطط إيديه في جانبهُ وقال: --- =إهدي شوية، عفريت إي الله يخرب0يت كدا يا شيخة فصلتيني. بصتلهُ بغضب وأنا حاطة إيدي على قلبي وباخد نفسي وقولت: _مفيش حد ييجي يقف قدام حد صامت كدا والدنيا ضلمة كمان، بجد هتقـ *طعلي الخلف. لاحظت ورد على التربيزة، روحت مسكتهُ بفرحة وقولت: _إي دا، إنت اللي جايبهُ. بصلي بقر *ف وقال: =للأسف. طلع من جيبهُ حاجة قطيفة بصيتلهُ بإستغراب ولما فتحها كان جواها سلسلة رقيقة وجميلة أوي، إبتسمت وقولت: _دي كمان ليا?! إبتسم وقال: =حبيت أخلي جوازنا يمشي بطريقة هادية وكويسة ومبني على..الحب. بصتلهُ بإستغراب وقولت: _دا عشان عرفت إني مُتعلمة? بصلي بسخرية وقال: =لأ عشان حبيتك وحبيت وجودك. بصيتلهُ بدهشة على إعترافهُ المُباشر ليا وإتكسفت، بس خدت منهُ السلسلة بإبتسامة وقولت: _هديك فرصة عشان صعبت عليا بس. بصلي بقر *ف وقال [[system-code:ad:autoads]] =خلاص شوفي إنتي رايحة فين بقى، قال صعبت عليا قال، إوعي كدا مش هتاخدي حاجة. بعدها بقينا كويسين جدًا مع بعض، بس كالعادة هنفضل ناقر ونقير، بس بصراحة مخبيش عليكم يعني، أنا حبيتهُ، هو القلب كدا مُهزأ مبيحبش غير اللي يبهدلهُ. رواية غرور وتمرد الجزء (2) الفصل الاول 1 تاني يوم بالنهار بعد ما إعترفلي بِحبهُ كنت قاعدة على السرير وأنا مُبتسمة بِشكل أهبل، فتح الباب مرة واحدة وإتخضيت منهُ وفصلني وقال ببرود: _أنا جعان، هتفضلي قاعدة كتير في الأوضة، قومي حضريلنا فطار يلا. بصيتلهُ بقر *ف وقولت بصوت واطي: =مفيش حد بيتغير، اللي جواه توم هيفضل توم. بصلي بجنب عينهُ وقال: _بتقولي حاجة يا زوجتي المصون? بصتلهُ بإبتسامة سخرية وقولت: =لأ مبقولش هو أنا أقدر أقول، كنت بفكر بس هعمل فطار إي. إتكلم وقال بعد ثانيتين تفكير: _تمام يلا نعمل الفطار مع بعض. إبتسمت وقولت: =تصدق ممكن يطلع من وسط التوم ورد، قشطة يلا. بصلي من فوق لـِ تحت وقال --- _اللي يفهمك دا يبقى عمل المستحيل. إبتسمتلهُ بإستفزاز وبعدين إفتكرت حاجة وقولت بعصبية: =أه صح، إنت إي اللي خلاك تفتح الباب عليا تاني، مش قولت تخبط الأول قبل ما تدخل، ولا هو سكتنالهُ دخل بِحمارهُ. وقف قدامي وبصلي بِحِدة، واللي خلاني أقول في سري “أنا عيل والله خلاص”، إتكلم وقال: _مش هعلق على أخر جملة، بس كدا كدا مفيش أوضتي وأوضتك تاني، إحنا إتصالحنا صح? بصتلهُ بدهشة وقولت: =لأ طبعًا، إنت اللي حبتني بس أنا لسة محبتكش يعني. بصلي وقال وهو بيجِز على سنانهُ: _أومال مين اللي كانت فرحانة بالورد والسلسلة إمبارح. إبتسمت بإستفزاز وقولت وأنا بمشي من قدامهُ للمطبخ: =أديك قولت، فرحانة بالورد والسلسلة. كنت سامعة صوت تكسير، غالبًا سنانهُ أه، بعد شوية دخل المطبخ وقال بِحيرة: _أعمل إي دلوقتي? بصيت على الطماطم والخيار وقولت: =قطع سلطة إنت وأنا هحضر الأكل. سابني ومشي وراح يقطعها، كنت مندمجة في اللي بعملهُ ومبصتش عليه غير لما خلصت وياليتني ما عملت كدا، لاقيتهُ مقطع الطماطم بِشكل يصعب وصفهُ حقيقي، كان فاصل القشر عن الطمطماية وحرفيًا كإنها صلصلة طماطم مش مفرومة كويس، [[system-code:ad:autoads]] والخيار اللي مش عارفة عمل فيه كدا إزاي، شايل قلبهُ خالص وبياكلهُ وبيحط في الطبق القشر بس، قولت بزعيق: _فادي، إي اللي إنت عاملهُ دا? بصلي بِبرائة وقال: =سلطة. بصيتلهُ بغضب وقولت وأنا بمِد إيدي وآخد بتنجان من الطبق: _كل اللي إنت عملتهُ هعديه، بالنسبة لـِ دي بتعمل إي هنا? إتكلم بنفس البرائة المُستفزة وقال: =ما أنا قولت أبدع بقى، والسلطة كلها بتبقى خيار فـ أعملها بطريقة جديدة. حطيت إيدي على دماغي وقولت: _عوض عليا عوض الصابرين يارب، إطلع برا من قدامي دلوقتي. كان لسة هيتكلم فـ صرخت في وشهُ وقولت: _إطلع برا يا فادي. طلع من قدامي بسرعة وخوف، بصيت للبهدلة اللي قدامي دي وأنا حاسة إني عايزة أعيط، لميت كل حاجة عملها ونضفت المكان وخدت الفطار وطلعت، كان قاعد على السفرة وماسك التليفون عشان يقولي يعني إنهُ مش مهتم، حطيت الفطار وقعدت وأنا بصالهُ بغيظ وقولت: --- _إتفضل، إفطر. بصلي بِجنب عينهُ ومردش عليا وبدأ في الأكل، كلنا بعدها وقومت لميت السفرة وبعد شوية قعدت برا قدام التليفزيون وأنا باكل آيس كريم وهو كان قاعد على تربيزة في رُكن في الشقة بيشتغل عليها، التليفون بتاعي رن وكان جنبهُ، مسكهُ وكان هيديهولي بس شاف الإسم وبعدين بصلي وهو بِيجز على سنانهُ بغضب وبيبُصلي وأنا مش فاهمة حاجة، لحد ما رد وقال: _أيوا يا عُمر في حاجة ياحبيبي? =________ بصلي بغضب أكبر ورد عليه: _طيب بُص ياروح قلبي عشان تفضل بخير بس، مترنش على رقمها تاني هي على ذِمة راجل دلوقتي، ولو حابب تِخاطِر أشوف رقمك مرة تانية بيرن في البيت دا. قفل السِكة في وشهُ وأنا عملت نفسي هبلة وبصيت للتليفزيون تاني وأنا باكل آي كريم، لحد ما جِه وقف قدامي وهو بيجِز على سنانهُ وقال: _الهانم اللي هتبقى السبب في إني أقتـ *ل حد مش مُهتمة تعرف الحد دا كان متتصل ليه? بصتلهُ بِبرائة مصتنعة وقولت: =أه صح يا دودو كنت بتتكلم مع مين? بصلي بقر *ف وقال: _دودو!! حسبي الله فيكِ ياشيخة، الواد دا لو كلمك تاني وعرفت إنهُ كلمك مش هيحصلك كويس، ويقول على نفسهُ يا رحمن يا رحيم بقى. بعدها رمى التليفون على الكنبة جنبي ومشي بعصبية، كنت كاتمة ضحكتي عليه بس الباب خبط بعدها على طول وهو راح عشان يفتح، سمعت صوت واحدة بتقولهُ وحشتني، طلعت بسرعة ولاقيتها واحدة لابسة مش لابسة أصلًا والچيبة فوق الرُكبة وبتتكلم بِمياعة، قولت بعصبية وغضب بعد ما حسيت بـِ ن0ار جوايا [[system-code:ad:autoads]] _مين دي? رواية غرور وتمرد الجزء (2) الفصل الثاني 2 _مين دي? حط إيدهُ على عينيه وهي بصتلي وقال بإستفزاز: =خطيبتهُ ياروحي. بصتلها بغضب وصد *مة ووجهت كلامي ليه وقولت: _نعم!! إتكلم هو بسرعة وقال: =كانت خطيبتي، كُنتِ يا سوزي. بصيتلها وقولت بإستفزاز: _واللي كانت خطيبة جوزي جاية ليه? كنت بتتكّ جامد على كلمة “جوزي” عشان أبين إنهُ مِلك ليا دلوقتي، ردت عليا ببرود وقالت: =مش متجوزك غصب برضوا، لولا وقفة والدهُ ضدهُ وإصرارهُ إنهُ يتجوز بنت الريف كان زماني مكانك دلوقتي وبنعيش حياة سعيدة إحنا الإتنين. بصيتلها بصد *مة من برودها وكنت لسة هرد عليها بس إتكلم فادي وقال: _لو سمحتي يا سوزي مسمحلكيش، ولو كان في حاجة بيننا زمان فـَ دلوقتي أنا متجوز وبحب مراتي، بعد إذنك متفكريش تقربي مننا تاني. بصيتلها بإنتصار، إتكلمت بِصد *مة وقالت --- =فادي إنت عارف بتقول إي ولـِ مين، بتقولي أنا كدا عشان بنت الريف دي? رد عليها بعصبية وقال: _بنت الريف دي أحسن منك مليون مرة، ولـِ تاني مرة مسمحلكيش تجيبي سيرتها على لسانك. كنت بصالها بإستفزاز وإنتصار وبعدين قفلت الباب في وشها، بعد ما قفلت الباب بصيتلهُ وقولت بغضب: _جيالك لحد هنا ليه إن شاء الله، وإي وحشتني اللي قالتها دي، وحش لما يلهفها. إبتسم وقرب مني شوية وقال: =بتغيري عليا? بعدت عنهُ بصد *مة وتوتر وقولت: _بـ إي!! مستحيل طبعًا، قال أغير عليك قال، أنا من الناحية دي متطمنة جدًا، ذوقك في الستات زي الز *فت. كملت بغضب وقولت: _بقى دي اللي كنت مزعلني في يوم فرحي عشانها، دا حتى إسمها مايع زيها سوزي، يعع بجد!! وأصلًا أنا أحلى منها، ثُم إي لبسها دا، عاجبك لبس بنات المدينة يعني، لحمها مكشوف وإنت كنت خاطبها عادي كدا? كان باصصلي ومُبتسِم، وبعدين قال ببرود: =مش هقولك بتغيري بس لو مش بتغيري إي اللي مدايقتك أوي كدا، أحب أعرف. بصيتلهُ بتوتر وقولت عشان أتهرب من قدامهُ [[system-code:ad:autoads]] _إنت متتكلمش معايا خالص أصلًا بعد اللي حصل من شوية دا، تجيلك لحد بيتي يانهار أبيض على البجاحة. خلصت كلامي وأنا بمشي من قدامهُ بغضب، جِه ورايا بإستغراب وقال: =وأنا مالي أنا، هو أنا اللي كنت جبتها البيت يعني? قعدت على الكنبة وبصيتلهُ بِعدن رضا وقولت: _هسامحك بس بشرط. بصلي بِـ قلق وقال: =شرط إي دا إن شاء الله. بصيتلهُ بـِ شر وقولت: _هعاقبك عقاب صُغنون قد كدا. القلق بتاعهُ بان على ملامحهُ وقال: =إي الظلم دا، أنا معملتش حاجة عشان أتعاقب! بصيتلهُ بِنفس النظرة وقولت: _إعتبرها إنتـ *قام ورد إعتبار للي عملتهُ فيا، ما أنا كمان مكنتش عملت حاجة ساعة عُمر. أول ما قولت إسمهُ بصلي بعصبية، إتكلمت بسرعة قبل ما يتكلم وأخاف منهُ وقولت: _والعقاب كالآتي، هتزعف السقف مش هتسيب فتفوتة فيه، وهتنضف فوق الدواليب وهتعيد ترتيبهم من تاني وهتغسل التلاجة وتنشفها والمطبخ والحمام عايزاهم بينوروا كدا من النضافة، وأخر حاجة خالص هتغسل النيش ولو وقعت كوباية وإتكسرت دي بـِ عُمرك. خلصت كلامي وهو كان باصصلي وبوقهُ مفتوح من الصد *مة وقال: =مستحيل، إنتي عبيطة ولا إي معملش أنا الحاجات دي أنا مالي. بصيتلهُ بغضب وقولت: --- _يبقى متتكلمش معايا طول عمرك. إتكلم هو كمان بغضب وقال وهو ماشي: =يبقى أحسن برضوا. بعد شوية كنت ماسكة كوباية الشاي وواقفة جنبهُ وهو بيرتب الدولاب وقولت بصيغة أمر: بصلي بعصبية وهو بيجِز على سنانهُ ومردش، بعد ساعات طويلة وصلنا لآخر حاجة وكانت النيش، كنت واقفة جنبهُ بحذر وخايفة يكسر حاجة، موبايلي رن وكانت ماما فـَ روحت أرد عليها وبعدين سمعت صوت حاجة إتكسرت، خوفت يكون اللي في دماغي وروحت بسرعة لقيتهُ واقف بِـ برائة وطقم الچيلي متكسر حتت في الأرض قدامهُ. رواية غرور وتمرد الجزء (2) الفصل الثالث والاخير3 روحت بسرعة لقيتهُ واقف بـِ برائة وطقم الچيلي متكسر حتت في الأرض قدامهُ، صرخت فيه وقولت: _نهار أهلك مش فايت. جريت وبصيت فيهم في الأرض يمكن آلاقي حاجة سليمة بس كلهُ متكسر، كنت عايزة أعيط بس ملامحي أتحولت للغضب ومسكت في إيدي حتة من الإزاز اللي إتكسر وبصيت ناحيتهُ ملقيتهوش واقف، قومت وملقيتهوش في الصالة أصلًا، روحت الأوضة بتاعتهُ وخبطت عليها جامد وقولت: [[system-code:ad:autoads]] _مفكر نفسك هتستخبى مني في الأوضة يعني، إطلعلي يابيه. جالي صوتهُ من جوا بيقول: =أطلع دا إي، مش شايفة شكلك متحول إزاي ولا إي، وبعدين أنا شوفتك ماسكة في إيدك إزاز، إنتي إتجننتي بجد. حاولت أهدي نفسي عشان يطلع وقولت بهدوء: _إطلع بس وإحنا ناس كبيرة وعاقلة وهتحل الموضوع دا بطريقة حكيمة. إتكلم وقال: =عيل صغير أنا بقى عشان أصدق وأطلع، وبعدين طقم إطباق وإتكسر يعني ليه مكبرة الموضوع ما هو غصب عني وكمان نقدر نجيب غيرهُ عادي يعني. قولت بنفس الهدوء: _إطلع بس يا فادي ياحبيبي وهنتفاهم. قال بإبتسامة وحماس: =حبيبك! طيب أنا هطلع متتجننيش وبعدين طقم وإتكسر وهجبلك غيرهُ عادي. قولت بهدوء وأنا بهدي نفسي: _تمام يا حبيبي إفتح. فتح الباب بهدوء وهو بيخرج واحدة واحدة وكنت مخبية حتة الإزاز ورا ضهري ومُبتسمة بِـ شكل يقلق أصلًا، أول ما طلع جريت وراه بالإزاز وقولت: _مش هسيبك يا فادي، لما أكسرك هبقى أجيب غيرك عادي. إتكلم بتوتر وقال وهو بيجري حوالين السفرة --- =إنتي إتجننتي رسمي بجد، بتساويني بطقم أطباق! إتكلمت بعصبية وقولت: _برضوا لسة شايف الموضوع هين!! إتكلم بقلق وقال: =إهدي طيب وهجبلك غيرهُ، ما إنتي اللي خلتيني أعمل كل الحاجات دي، إتهدي بقى مش قادر أجري أنا أصلًا تعبان خِلقة من اللي عملتيه فيا طول اليوم. وقفت آخد نفسي بغضب وهو كمان قعد على الكرسي بتاع التربيزة وهو بياخد نفسهُ وقال: =ربنا على المُ0فتري ياشيخة. قعدت أنا كمان قدامهُ وقولت: _عايزة أخرج أتعشى برا النهاردة في مطعم على البحر. بصلي بِدهشة وقال بإستغراب: =أنا عايز أفهم بس، إنتي عندك إنفصام! ما هو مش طبيعي بجد دماغك دي مش فاهمها. قولت بهدوء: _ما هو أنا بعد الفرهدة دي مش هقدر أعمل أكل، وبعدين عايزة أغير جو عشان إنت خنقتني. بصلي بقر *ف وقال: =أنا اللي خنقتك أه، طيب ساعة كدا وننزل. قومت بحماس وقولت [[system-code:ad:autoads]] _أنا هقوم أجهز، قوم إنت كمان يلا. مشيت من قدامهُ وهو بيقول بتعب: =بقول ساعة، يا مدام بقول ساعة، أرتاح طيب! مردتش عليه ودخلت أجهز نفسي بالفعل، بعدها بشوية كُنا قاعدين في مطعم على البحر وبناكل بعد ما خلصنا أكل إتكلم بإبتسامة وقال: _تيجي أوديكي مكان بحب أروحهُ بِما إنك بتحبي البحر? رديت عليه بحماس وقولت: =موافقة جدًا مادام فيها بحر. قومنا بعدها وروحنا لـِ بحر هادي وقدامهُ مقعد قعدنا عليه وهو راح يجيب دُرة، إتكلم بإبتسامة وقال: _رغم إنك مطلعة عيني بس بحبك. رديت عليه من غير ما أبصلهُ وأنا باكل الدُرة: =وأنا كمان. إتصد *م وقال وهو مبرق: _إي! بصيتلهُ بإستهبال وقولت: =إي! إبتسامتهُ وسعت وبص قدامهُ للبحر بحماس وبدأ ياكل هو كمان، بادلتهُ الإبتسامة وإستمعت بالجو. --- “بعد 6 سنوات” كنت بجري وراه وأنا متعصبة وماسكة في إيدي الشبشب بتاعي وبقول: _يعني إي 5 من 20 دي، دا إنت لو كاتب إسمك بخط كويس كنت هتجيب درجة أحسن من دي!! حدفت الشبشب بس جِه في فادي اللي طلع من الأوضة فجأة، مسك وشهُ بألم وقال: =إي ياشيخة بقى! إتكلم يزيد وقال: _ماما عايزة تضربني وأنا معملتش حاجة. بصيتلهُ بعصبية ومسكت فردت الشبشب التانية وحدفتها عليه بس إتحرك وزق فادي وجات فيه برضوا، بصيت بصد *مة للمرة التانية وقولت: _معلش، ما هو الحيوان دا مش ثابت، سيبني عليه. إتكلم فادي بألم وهو بيشيل يزيد من قدامي وقال: =ياستي إقعدي بقى، هيبقى الواد وأبوه، هو عمل إي! قولت بعصبية [[system-code:ad:autoads]] _البيه الميس بتاعتهُ إديتلهم إختبار وجاب فيه 5 من 20. بص ليزيد بدهشة وقال بعد ما ضرب كفهُ في كف يزيد: بصيتلهم بغضب وقولت: _تصدق والله ما خسارة فيك الشبشبين، إمشوا من قدامي إنتوا الإتنين هتجبولي الضغط. جريوا الإتنين من قدامي ودخلوا الأوضة وأنا قعدت على الكنبة عشان أهدى، بِرغم إنهم مطلعين عيني بس بجد هما الإتنين حياتي وعيلتنا الصغيرة هتزيد فرد جديد قريب لإني حامل في الخامس، هنبقى أحلى عيلة برغم عدم الهدوء اللي إحنا فيه ليل نهار. تمت بحمد الله إقراء ايضا صور جديدة من قمر صناعي يتبع لوكالة ناسا يظهر العاصمة الخرطوم وحـ,ـريق مبني البرية صالة المغادرة لمطار الخرطوم الدولي كل صور العاصمة محدثة. بالكامل وتظهر الالاف من السيارات مجمعة. في مناطق كثيرة بصورة عشوائية وللاسف اغلب الطائرات المتوقفة في مدرج مطار الخرطوم محـ,ـترقة بالكامل ويظهر حـ,ـريق القصر الجمهوري وحـ,ـريق بيت الضيافة الخريطة غير مسمية بالاسماء عليكم بالبحث عن منزلك باستخدام الاتجاهات الجغرافية منظر العاصمة قـ,ـاسي جدا لاينـ,ـصح باصحاب القلوب الضعيفة تتيح خدمة خرائط قوقل google maps من تصفح المواقع بشكل مباشر وبشكل واضح ومجاني من خلال تطبيق خرائط قوقل . وقد ساهم تطبيق خرائط قوقل ماب في الوصول للمواقع بدون مجهود وذلك من تحديد موقعك عبر التطبيق سيتم تحديد الموقع المتواجد به ثم إرساله لصديقك بشكل مباشر بدون أي أخطاء . وقد ساهمت خرائط قوقل في عرض المواقع بجوده عاليه وذلك من خلال فتح التطبيق ثم تحديد الموقع المراد عرضه وتصفح الموقع بشكل مباشر ومجاني. تحديث خرائط قوقل في الســـ..ـودان ضجت محركات البحث في الأيام الماضية عن تحديث لتطبيق خرائط قوقل ماب في الســ...ــودان وتحديداً العاصمة الخرطوم وامدرمان وبحري واجزاء واسعه من مناطق الســ..ــودان.وقد أظهرت التحديثات الأخيرة لخرائط قوقل ماب شكل الذي حدث في مطار الخرطوم الدولي وتحديداً صالة المغادرة بالإضافة إلى شكل في الطائرات في مدرج المطار الذي لحق برج شركة النيل للبترول وقطع كبري شمبات. كيفية مشاهدة منزلك بعد تحديث خرائط قوقل ماب في الســ,,ــودان : عليك أولاً تحديث وتثبيت تطبيق خرائط قوقل ماب من متجر التطبيقات قوقل بلاي. وللتصفح بشكل أفضل لتطبيق تطبيق مشاهدة خرائط الاقمار الصناعية وكيفية عرض منزلك يمكنك فتح أي من تطبيقات خرائط قوقل التي تم تثبيته وكتابة إسم المنطقة المراد عرضها ثم تصفح المنطقة وتحديد موقع منزلك وتفقده. .خرائط قوقل هي خدمة مجانية من شركة جوجل تقدم خرائط تفاعلية يمكن استخدامها لاستكشاف مواقع جغرافية حول العالم. توفر الخدمة ميزات عديدة مثل عرض الشوارع، توجيه الاتجاهات للقيادة أو المشي أو ركوب الدراجات، وكذلك معلومات عن حركة المرور في الوقت الفعلي. يمكنك استخدام خرائط قوقل عبر متصفح الإنترنت أو من خلال تطبيقات الهاتف المحمول المتوفرة لأجهزة الأندرويد والآيفون. الخدمة تسمح للمستخدمين بتحديد أماكن معينة، البحث عن نقاط الاهتمام مثل المطاعم والفنادق، وحتى استكشاف الأماكن عبر ميزة “ستريت فيو” التي تقدم صورًا بانورامية لمواقع معينة. كيفية البحث عن منزلك في السـ..ــودان على خرائط قوقل بعد تحديث قوقل وتحميل قوقل إذا كنت ترغب في البحث عن منزلك في السـ..ــودان باستخدام خرائط قوقل بعد تحديث قوقل أو بعد تحميل قوقل لأول مرة، يمكنك اتباع الخطوات البسيطة التالية: 1. فتح تطبيق خرائط جوجل: بدايةً، تأكد من أنك قد قمت بعملية تحديث قوقل إلى أحدث إصدار، أو قم بـ تحميل قوقل ماب إذا لم يكن مثبتًا مسبقًا. بعد ذلك، افتح تطبيق “خرائط قوقل” على هاتفك الذكي أو جهاز الكمبيوتر الخاص بك. تأكد من اتصالك بالإنترنت لضمان عمل التطبيق بشكل سليم. 2. كتابة عنوان المنزل : في مربع البحث الموجود في أعلى الشاشة، قم بكتابة عنوان منزلك بالتفصيل. استخدم اسم المدينة، الحي، وأي معالم قريبة لتسهيل عملية البحث. 3. تحديد الموقع : بعد كتابة العنوان، اضغط على زر البحث. ستقوم خرائط قوقل بعرض النتائج المحتملة على الخريطة. اختر النتيجة التي تبدو الأقرب لموقع منزلك. 4. استخدام وضع التجول الافتراضي : لتأكيد موقع المنزل، يمكنك استخدام وضع التجول الافتراضي “Street View” المتاح ل. اضغط على الصورة المصغرة أسفل الشاشة للدخول إلى هذا الوضع ومشاهدة الشوارع والمباني المحيطة5. حفظ الموقع إذا تأكدت من أن الموقع صحيح، يمكنك حفظه للوصول السريع في المستقبل. اضغط على الموقع على الخريطة، ثم اختر “حفظ” وحدد قائمة لحفظ الموقع فيها. 6. مشاركة الموقع يمكنك مشاركة موقع منزلك مع الأصدقاء أو العائلة من خلال النقر على النقطة المحفوظة على الخريطة، ثم اختيار “مشاركة” ومشاركة الرابط عبر الوسيلة المفضلة لديك. بهذه الخطوات، وبعد تحديث خرائط قوقل ، يمكنك العثور على منزلك في السـ...ــودان باستخدام خرائط قوقل بكل سهولة وسرعة. الســـ..ـودان هو بلد يقع في شمال شرق إفريقيا. إذا كنت بحاجة إلى خريطة للســـــ..ــودان، يمكنك العثور عليها بسهولة عبر خرائط جوجل أو أي خدمة خرائط أخرى عبر الإنترنت. سأوفر لك وصفًا سريعًا لخريطة السودان: – **الموقع الجغرافي**: الســ..ــودان يحده من الشمال مصر، ومن الشرق البحر الأحمر وإريتريا، ومن الجنوب جنوب الســــ..ودان، ومن الغرب تشاد وجمهورية أفريقيا الوسطى، ومن الشمال الغربي ليبيا. **العاصمة**: الخرطوم. – **الأنهار**: يتدفق النيل من الجنوب إلى الشمال عبر السـ..ــودان، وينقسم إلى النيل الأبيض والنيل الأزرق في الخرطوم. الروابـ’ـ,ـط المستخدمة في الشرح [رابـ،ـط 1](تطبيق مشاهدة منزلك بواسطة الاقمار الصناعية) [رابـ،ـط 2](https://www.google.com/maps) [رابـ،ـط 3](google maps)
